SARRERAK: AA Aita – Jon Plazaola – Bakarrizketa

Martxoaren 26an, Hendaiako Variétés antzokian (zinema), Jon Plazaolaren umorezko bakarrizketa izango da: AA Aita. Emanaldiaren aurretik eta ondoren, ostatua irekia izanen da bertan, jatekoa eta edatekoa zerbitzatuz.

Sarrerak hemen behean har ditzakezue.

Jon Plazaolak, aita izan ondoren eta aitatasunaren inguruan egindako gogoetatik abiatuta, “AA AITA” ikuskizuna sortu du. Lan honetan, aitatasunak eman diona publikoarekin partekatu nahi du, umorea eta komedia ardatz hartuta. Aurreko lanen arrakastaren ondoren, esperientzia pertsonalak baliatzen ditu patetismoa eta ergelkeria propioa zein giza izaerari dagokiona aztertzeko. Helburua argia da: publikoak barre egitea, eguneroko kezkak alde batera utzita, hausnarketa sakonetan sartu gabe.